კალათა ცარიელია:
საოფისე ტექნიკა
სახარჯი მასალები
ქაღალდის ნაწარმი
საკანცელარიო ნივთები
სასკოლო ნივთები
დატენილი ან აღდგენილი კარტრიჯის საგარანტიო პირობები
- 1. შ.პ.ს „ჩემი ოფისი“ გაძლევთ გარანტიას, რომ დამუხტული ან აღდგენილი კარტრიჯი , მისი სწორად გამოყენებისას, არ მიაყენებს ზიანს ნებისმიერ ისეთ ლაზერულ პრინტერს ან ასლის გადამღებ აპარატს, რომლისთვისაც იგი არის განკუთვნილი;
- 2. შ.პ.ს „ჩემი ოფისი“ გაძლევთ გარანტიას, რომ კარტრიჯი იმუხტება ტონერის ისეთი რაოდენობით, რომელიც არანაკლებია ორიგინალი მწარმოებლის მიერ შევსებული კარტრიჯის ტონერის რაოდენობაზე. ეს ნიშნავს, რომ ამონაბეჭდი ფურცლების რაოდენობა, არანაკლები იქნება, ორიგინალი მწარმოებლის კარტრიჯების მოხმარებისას დაბეჭდილი ფურცლების რაოდენობაზე; რაოდენობის ასეთ კონტროლს უზრუნველყოფს, სერტიფიცირებული დანადგარი ტონერის დაფასოებისათვის; ამაში დასარწმუნებლად, ამოწერეთ საბეჭდი მოწყობილობის მრიცხველის მონაცემები. გაითვალისწინეთ, რომ კარტრიჯის მოხმარება დამოკიდებულია დაბეჭდილი ფურცლის, გამოსახულებით შევსებაზე. რაც უფრო დაფარულია ამონაბეჭდი ფურცელი გამოსახულებით, მით მეტია ტონერის მოხმარება. ორიგინალი მწარმოებლები ითვლიან ამონაბეჭდი ფურცლების რაოდენობას, ერთ კარტრიჯზე, ფურცლის 5%-იანი დაფარვის გათვალისწინებით.
- 3. შ.პ.ს „ჩემი ოფისი“ გაძლევთ გარანტიას, აღმოფხვრას ნებისმიერი ხარვეზი უფასოდ, რომლის მიზეზიც დამუხტული კარტრიჯი გახდება;
- 4. შ.პ.ს „ჩემი ოფისი“ გაძლევთ გარანტიას, შეცვალოს კარტრიჯი, იმ შემთხვევაში თუ კლიენტს არ აკმაყოფილებს დამუხტული ან აღდგენილი კარტრიჯის ხარისხი. გარანტია ვრცელდება ნაწილებზე, რომელიც შეცვლილი იყო კარტრიჯის აღდგენისას და არ ვრცელდება სხვა დანარჩენ ნაწილებზე, რომლებიც ბუნებრივ ცვეთას ექვემდებარება;
- 5. შ.პ.ს „ჩემი ოფისი“ ადასტურებს, რომ ამ კარტრიჯის დამუხტვისა და აღდგენისათვის გამოყენებული, იყო მხოლოდ ხარისხიანი ნაწილები, რომელიც შესაბამისობაშია მის სახეობასთან;
- 6. შ.პ.ს „ჩემი ოფისი“ ადასტურებს, რომ კარტრიჯის დამუხტვა ან აღდგენა შესრულებულია პროფესიონალურად, დადგენილი ტექნიკური ნორმების შესაბამისად;
- 7. შ.პ.ს „ჩემი ოფისი“-ს გარანტია მოქმედებს, თუ კლიენტი ამცნობს კომპანიას, ამონაბეჭდი ფურცლების არადამაკმაყოფილებელი ხარისხის შესახებ დაუყოვნებლივ და წყვეტს კარტრიჯის გამოყენებას;
- 8. გარანტია დამუხტვაზე ან/და აღდგენაზე „ჩემი ოფისი“-ს კარტრიჯებზე მოქმედებს, თუ დაცული იყო პუნქტში #10 მითითებული, საგარანტიო ბარათის პირობები «ტრანსპორტირების, შენახვისა და კარტრიჯის გამოყენების წესები», შემდეგი საგარანტიო ვადების გათვალისწინებით:
- 8.1. შავ-თეთრი კარტრიჯებისათვის - 12 თვე, დამუხტვაზე ან აღდგენაზე მომსახურების მიღებიდან;
- 8.2. ფერადი კარტრიჯებისათვის - 6 თვე, დამუხტვაზე ან აღდგენაზე მომსახურების მიღებიდან;
- 8.3. დამუხტული ჭავლური კარტრიჯებისათვის - 1 თვე, დამუხტვის მომსახურების მიღებიდან;
- 9. გარანტია „ჩემი ოფისი“-ს დამუხტულ ან აღდგენილ კარტრიჯზე, არ ვრცელდება იმ შემთხვევაში თუ იგი შეაკეთა ან დაშალა მომხმარებელმა ან სხვა მესამე პირმა;
- 10. კარტრიჯის ტრანსპორტირების, შენახვისა და ექსპლუატაციის წესები:
- 10.1. კარტრიჯების ტრანსპორტირებისა და შენახვისას დააკვირდით კარტრიჯის მდებარეობის მიმართულებას, რომელიც ნაჩვენებია დამუხტული ან აღდგენილი კარტრიჯის შეფუთვაზე;
- 10.2. შენახვის ტემპერატურის დიაპაზონი 5-დან 35°C- მდე;
- 10.3. შენახვის ტენიანობის დიაპაზონი 35-დან 85%-მდე ფარდობით ტენიანობას შეადგენს, იმ პირობით, რომ კარტრიჯის კოლოფი და ნესტგამძლე შეფუთვა არ არის გახსნილი;
- 10.4. ნუ შეინახავთ კარტრიჯს ისეთ ადგილას, რომელიც ექვემდებარება მზის სხივების პირდაპირ ზემოქმედებას;
- 10.5. ამოიღეთ კარტრიჯი კოლოფიდან და ნესტგამძლე შეფუთვიდან, უშუალოდ გამოყენების წინ;
- 10.6. თუ კარტრიჯი ამოღებულია პრინტერიდან, მისი საიმედო შენახვისა თუ ტრანსპორტირებისათვის უზრუნველყავით დამცავი საფარი და მოათავსეთ კოლოფში და ნესტგამძლე შეფუთვაში. არ დაიჭიროთ კარტრიჯი ვერტიკალურ მდგომარეობაში და არ ატრიალოთ იგი. კარტრიჯი შეინახეთ იმავე მდგომარეობაში, როგორშიც იგი პრინტერშია მოთავსებული;
- 10.7. არ დაუშვათ კარტრიჯის მექანიკური დაზიანება და შემდგომ მისი გამოყენება პრინტერში. ასეთ მექანიკურად დაზიანებულ ან დარტყმა დაქვემდებარებულ კარტრიჯებზე არ ვრცელდება საგარანტიო პირობები;
- 11. სასარგებლო რჩევები მომხმარებლებისთვის (რჩევები ვრცელდება, როგორც დამუხტულ და აღდგენილ კარტრიჯებზე აგრეთვე ორიგინალ კარტრიჯებზეც):
- 11.1. თუ კარტრიჯი სიცივეში იმყოფება ნუ გამოიყენებთ მას სანამ არ გათბება ოთახის ტემპერატურამდე. წინააღმდეგ შემთხვევაში ამონაბეჭდი შეიძლება იყოს უხარისხო;
- 11.2. კარტრიჯი უნდა ინახებოდეს შეფუთვაში მშრალ და ბნელ ადგილას. თუ კარტრიჯი ინახება ოთახში გათბობის გარეშე, ამონაბეჭდის ხარისხი შეიძლება გაუარესდეს;
- 11.3. ჭავლური კარტრიჯის დამუხტვა სასურველია მოხდეს დაუყოვნებლივ გახარჯვისთანავე, წინააღმდეგ შემთხვევაში დამუხტვა იქნება შეუძლებელი;
- 11.4. თუ მოიხმართ უხარისხო საოფისე ქაღალდს, კარტრიჯის და პრინტერის ნაწილები უფრო მალე გაცვდება; იმისათვის, რომ თქვენი პრინტერები და მათში გამოყენებული კარტრიჯები გემსახურონ სრულყოფილად და ხარისხიანად, გირჩევთ რეგულარულად ჩაატაროთ პრინტერების მომსახურება.